Menu

马体会稳字派细味基达菲马体会稳字派细味基达菲

马体会稳字派细味基达菲
西甲开咧首战就爆出冷门,衞冕嘅巴塞隆拿临完场前畀毕尔包绝杀,以0比1输波。同样作为争标强队嘅马德里体育会当然会吸取教训,佢哋周一凌晨压轴登场,同上季神奇球队基达菲合演「马德里打吡」,踢法不嬲保守嘅「床单军团」肯定唔敢轻敌,中位数2.5球入球细值博。(Now 632周一凌晨4时直播)两大防守新兵质素不俗马体会今夏转会窗有高甸同菲腊路尔斯等多名主力离队,其中最瞩目肯定非转投联赛竞争对手巴塞隆拿嘅头号前锋基沙文莫属。呢位法国射手过去多年都係马体会进攻嘅关键人物,今季冇咗佢冲锋陷阵,前场火力必定有所削弱。好彩新加盟嘅防中马高斯洛兰迪同中坚马里奥靴莫素质素不俗,前者能有效为防线筑起屏障,后者仲有望成长为日后统领马体会后防嘅领军人物,加上施蒙尼崇尚的铁血防守早已根深蒂固,等閒之辈要攻破马体会大门绝非易事。基达菲上季联赛只失过35球,係失球数第3少嘅球队,后防表现甚至仲叻过巴塞,最终能勇夺欧霸资格,同球队稳健防守有好大关係。不过基达菲主力箭头佐治摩连拿已经37岁,新赛季再由佢担大旗,球队入球能力难有保证。加上马体会近5季联赛首战4皆开2球或以下,开局取态不嬲审慎,呢场中位数2.5球入球细值得再追。

标签:, , ,

发表评论

电子邮件地址不会被公开。 必填项已用*标注